嘩我真係覺得好靚呀
呢個係我哋琴日同 「婦女中心」嘅婦女一齊做嘅
如果你都想試吓味道。 星期日嚟搵我地啦 麗蘭食街—漬物
2018年2月11日（日）
時間｜1:00 – 2:00
地點｜長沙灣麗閣邨麗蘭樓3樓平台空地 麗蘭食街—漬物
平時我地喺超市見到榨菜之類既漬物，知唔知個嘗味期係幾耐呢？1年？定2年呢？商業化底下，市面既漬物為咗喊少工序、減低成本咁去保存食物，就會加入大量既化學物，你想將呢尐化學物塞進體內？你想你既味蕾只係同一部部一式一樣既機器交流？ 我地一直以食物回收去營造資源共享為最大值，亦透過研發將食物既生命期延長。醃漬同我地既宗旨不謀而合，以前既人無雪櫃，就會醃咗去，物盡其用。但而家就太方便，唔啱時令既蔬果都隨手可得，就多到大家會隨意丟掉，嘥晒。
所以呢…….我哋來緊有個派對，邀請咗幾個製作漬物既團體一齊係我地中心外既平台分享手作漬物，包括有：小而美俱樂部、漬女、習慣x自然、wunderkraut、家家廚房、蘇媽廚房、天姿作圍及二澳農作社。
糖係醃漬主調味料之一，所以當日邀請左林女@小而美俱樂部講下糖既種類，畀大家認識下除咗眾所周知既白沙糖之外，其實我地每日係需要幾多糖呢？我地係咪可以認真檢視下對食物既真正需要？尤其係煮開飯既一群，煮飯係咪真要落咁多調味呢？想仔女健康，咁點先健康呢？ 臨近新年，大家都會辦年貨，放尐糖果係新年全盒，咦咦！大家有無諗過全盒果幾格係可以放漬物，唔洗再放有化學成份既朱古力同糖呢？不得不提，自家制漬物係包含住愛，就算醃同樣食材，每個人做出來既味道都會唔同，因為內藏住獨特既愛同心意。當日有得買各團體既漬物，放係全盒度，新年充滿愛。
